27 January 2024 కరెంట్ అఫైర్స్ తెలుగులో

27 January 2024 Telugu Current Affairs ముఖ్యాంశాలు:

2024 రిపబ్లిక్ డే వేడుకల థీమ్:

• ఢిల్లీలో జరిగే రిపబ్లిక్ డే వేడుకలకు ఈ ఏడాది థీమ్ గా భారత్-లోక్ తంత్ర కీ మాతృక,వికసిత్ భారత్ ఉన్నాయి.
• రాష్ట్రపతి ద్రౌపది ముర్ము అధ్యక్షతన వేడుకలు జరిగాయి.
• ఈ వేడుకలకు ముఖ్య అతిథిగా ఫ్రాన్స్ అధ్యక్షుడు ఇమ్మాన్యూయేల్ మాక్రాన్.
• కర్తవ్యపథ్ లో నిర్వహించే కవాతుకు పెద్ద ఎత్తున వీక్షకులు వచ్చే అవకాశం ఉండడంతో భారీగా సిబ్బందిని మోహరించారు.
• గణతంత్ర వేడుకల్లో కర్తవ్యపథ్ లో నారీశక్తి సత్తా చాటుతుంది.
• వివిధ దళాలకు చెందిన మహిళలు కవాతు నిర్వహించారు.

రోహన్ బోపన్న ఆస్టేలియా ఓపెన్ విజేత:

• భారత్ టెన్నిస్ స్టార్ రోహన్ బోపన్న చరిత్ర సృష్టించారు.తాజాగా ఆస్ట్రేలియన్ ఓపెన్ మెన్స్ డబుల్స్ టైటిల్ కైవసం చేసుకున్న ఆయన అత్యధిక వయసులో ఈ ఘనత సాధించిన ప్లేయర్ గా నిలిచారు.
• తన పార్ట్నర్ మాథ్యూ ఎబిడెన్ తో కలిసి ఫైనల్లో 7-6(7-0),7-5తో ప్రత్యర్థి జోడీని మట్టి కురిపించారు.
• అటు లియాండర్ పేస్ తర్వాత ఆస్ట్రేలియన్ ఓపెన్ టైటిల్ గెలిచిన రెండో భారత ఆటగాడిగాను బోపన్న ఘనత సాధించారు.

భారత్-శ్రీలంక వారధి నిర్మాణానికి కసరత్తు:

• పర్యాటకాన్ని బలోపేతం చేసే చర్యల్లో భాగంగా భారత్-శ్రీలంక మధ్య వంతెనను నిర్మించాలని కేంద్రం యోచిస్తోంది.
• తమిళనాడులోని ధనుష్కోడి,శ్రీలంకలోని తలైమన్నార్ ను కలిపేలా 23 కి.మీ. మేర ఈ వారధిని నిర్మించాలని చూస్తున్నారు.
• దీనిపై అధ్యయనం చేస్తున్నట్లు అధికార వర్గాలు తెలిపాయి.ఈ ప్రాజెక్టు నిర్మాణానికి రూ.40 వేల కోట్లు ఖర్చవుతుందని అంచనా.

భారత్ మాల-2 పథకంలోని కృష్ణా బ్రిడ్జి:

• ఏపీ-తెలంగాణ మధ్య సోమశిల నుంచి సిద్ధేశ్వరంగుట్ట మధ్య కృష్ణా నదిపై నిర్మించే ఐకానిక్ బ్రిడ్జి భారత్ మాల-2 స్కీమ్ లోకి చేరింది.
• హైవే,రోడ్డు నెట్ వర్క్,సరుకు రవాణా మేరుపరచడమే లక్ష్యం.
• హైదరాబాద్-తిరుపతి మధ్య దూరం తగ్గించేలా కొల్లాపూర్-నంద్యాల మధ్య నిర్మించే 1.5KM వంతెన నిర్మాణానికి రూ.1083 కోట్లు అవుతుందని అంచనా.
• ఇదే సమయంలో 2 రాష్ట్రాల్లోని జాతీయ రహదారుల విస్తరణకు కేంద్రం రూ.1500 కోట్లు మంజూరు చేసింది.

మార్స్ పై ముగిసిన నాసా హెలికాఫ్టర్ ప్రస్థానం:

• అమెరికా అంతరిక్ష సంస్థ నాసా మార్స్ పైకి ప్రయోగించిన ఇంజెన్యూటీ హెలికాఫ్టర్ కథ ముగిసింది.
• మూడేళ్ళ క్రితం మార్స్ పైకి చేరిన ఇంజెన్యూటి,వేరే గ్రహంపై గాల్లో ఎగిరిన తొలి వాహనంగా పేరు తెచ్చుకుంది.
• చివరిసారిగా అక్కడ ఎగిరినప్పుడు రోటర్ లో సమస్యలు తలెత్తడంతో పనిచేయడం మానేసిందని నాసా ప్రకటించింది.
• మార్స్ పై మొత్తంగా 2 గంటల పాటు అది ఎగిరిందని,భవిష్యత్తు పరిశోధనలకు కీలకంగా నిలిచిందని తెలిపింది.

ఆర్ధిక మంత్రి రికార్డు:

• కేంద్ర ఆర్ధిక మంత్రి నిర్మలా సీతారామన్ అరుదైన ఘనత సాధించనున్నారు.
• ఫిబ్రవరి 1న ప్రవేశపెట్టే మధ్యంతర బడ్జెట్ తో ఆరుసార్లు బడ్జెట్ ప్రవేశపెట్టిన రెండో ఆర్ధిక మంత్రిగా నిలవనున్నారు.
• గతంలో మాజీ మంత్రి మొరార్జీ దేశాయ్ 1959-64 మధ్య ఐదు పూర్తిస్థాయి,ఒక మధ్యంతర బడ్జెట్ ను సమర్పించారు.
• అరుణ్ జైట్లీ,చిదంబరం,యాశ్వంత్ సిన్హా,మన్మోహన్ సింగ్ వరుసగా ఐదు కేంద్ర బడ్జెట్లు ప్రవేశపెట్టిన మంత్రులుగా నిలిచారు.

2047 నాటికి అభివృద్ధి చెందిన దేశంగా భారత్:

• 2047 కల్లా అభివృద్ధి చెందిన దేశంగా భారత్ ఎదగాలంటే విద్య,ఆరోగ్య సంరక్షణపై మరింత దృష్టి పెట్టాలని ఆర్.బి.ఐ. మాజీ గవర్నర్ రఘురామ్ రాజన్ సూచించారు.
• గత 25 ఏళ్లుగా దేశం సగటున ఆరు శాతం వృద్ధి రేటును కొనసాగిస్తోందని ఓ కార్యక్రమంలో వెల్లండించారు.
• లక్ష్యాన్ని చేరుకోవాలంటే వార్షిక వృద్ధి రేటు 7% సాధించాలన్నారు.
• దీంతో ప్రస్తుతం 2400 డాలర్లుగా ఉన్న తలసరి ఆదాయం పదివేల డాలర్లకు పెనుగుతుందని తెలిపారు.

దేశంలోనే అరుదైన చేతి మార్పిడి శస్త్ర చికిత్స:

• హరియాణా వైద్యులు అరుదైన చేతి మార్పిడి శస్త్ర చికిత్స విజయవంత చేశారు.
• ఇద్దరు రోగులకు ఫరీదాబాద్ లోని అమృత హాస్పిటల్ లో ఈ శస్త్ర చికిత్సలు జరిగాయి.
• గౌతమ్(65) పదేళ్ల క్రితం జరిగిన ప్రమాదంలో మణికట్టుపై వరకు ఎడమ చేతిని కోల్పోయారు.అతనికి బ్రెయిన్ డెడ్ అయిన 40 ఏళ్ల వ్యక్తి చేతిని మార్పిడి చేసారు.
• మరో హ్యాండ్ ట్రాన్స్ ప్లాంటేషన్ ఢిల్లీకి చెందిన దేవాన్ష్ గుప్తా అనే 19 ఏళ్ల వ్యక్తికి జరిగింది.

ఆస్ట్రేలియా ఓపెన్ విజేతగా సబలెంకా:

• ఆస్ట్రేలియా ఓపెన్-2024 ఉమెన్స్ సింగిల్ విజేతగా బెలారస్ క్రీడాకారిణి అరీనా సబలెంకా నిలిచారు.
• ఫైనల్ లో చైనా ప్లేయర్ జెంగ్ పై 6-3,6-2 తేడాతో ఆమె గెలిచారు.దీంతో ఆమెకు దాదాపు రూ.17.25 కోట్ల ప్రైజ్ మనీ అందనుంది.
• సబలెంకా ఆస్టేలియా ఓపెన్ టైటిల్ ను గెలవడం ఇదే రెండవసారి.గత ఏడాది కూడా ఆమె ఈ టైటిల్ ను గెలుచుకున్నారు.